Dear 2k Kids, Holy Spirit is Online!
நாங்க 90ஸ், 80ஸ் கிட்ஸ். Orkut எங்களுக்கு கிடைத்த பெரிய பிரம்மாண்டமான சமூக வலைதளம். பிற்காலங்களில் Facebook. ஆனால் அதற்குள் வரவே எங்களுக்குத் தாமதமானது.
பாய்ஸ் படம் பாக்காத, கெட்டுப் போயிருவன்னு அன்றைய "சான்றோர்" சொல்லியும்,
ஸ்கூல் பசங்களா இருக்கும்போதே ரகசியமா பாய்ஸ் படத்தை பாத்து, வாழ்க்கையில் எப்பிடி உருப்படலாம்னு நினைத்த தலைமுறை நாங்க.
ஆனா இன்னக்கி இருக்குற 2k கிட்ஸ புரிஞ்சுக்கவே முடியல. வாட்ஸாப் ஸ்டேட்டஸ்ல DP வைக்காதனு அட்வைஸ் பண்ணா, இந்த 80ஸ் எல்லாம் இன்ஸ்டாகிராம் பக்கம் வரவா போறாங்கன்னு சொல்லிட்டு, அங்கே புகுந்து விளையாடும் தலைமுறை 2k கிட்ஸ். இன்றைக்கு காட்டப்படும் "சில" திரைப்படங்களோடு ஒப்பிடும்போது பாய்ஸ் படமெல்லாம் சுத்தபத்தமான படம்.
காதல் பண்ணினா வீட்டை எதிர்த்தாவது திருமணம் செய்ய வேண்டும் என்று போராடிய எங்கள் தலைமுறை. இதற்கு முந்தைய தலைமுறை அதற்கு மேல். பல காதல் தோல்வி தற்கொலை வழக்குகள். ஆனால் இப்பல்லாம் பிக்கப், டிராப், எஸ்கேப் தான்.
பத்து ஆண்டுகளில் இவ்வளவு பெரிய தலைமுறை வேறுபாடுகள் இருந்தது வரலாற்றில் இதுவே முதல் முறை. இதற்கு டெக்னாலஜி வளர்ச்சியும் ஒரு காரணம்.
சபை ஊழியங்களில் சிறந்து விளங்கும் பல மூத்த போதகர்கள் கூட, தங்கள் சொந்த பிள்ளைகளை வளர்க்க தடுமாறுகிறார்கள். அவர்களுக்கு Browsing History அழிக்கவும் தெரியும், தேவைப்பட்டால் Format பண்ணவும் செய்வார்கள்.
இதற்கெல்லாம் என்ன தீர்வு? வேத வசனம் பல ஆயிரம் ஆண்டுகளாக மாறாததுதான். ஆனால் அதை வாலிபர்களிடம் கொண்டு செல்லும் முறைகளில் சில மாற்றங்கள் ஏற்பட்டிருக்கிறது, தவறு ஒன்றும் இல்லை. பரிசுத்த ஆவியானவர் மாத்திரமே மாறாதவரும் தீர்வுமாய் இருக்கிறார்.
ஆவியானவர் ஒருவர் தான். வெளியே ஆயிரம் மாற்றங்கள் ஏற்பட்டாலும் உள்ளான மனிதன் ஒருவன் தான். நம்முடைய உள்ளான மனிதன் நிர்வாணமாய் ஆவியானவர் முன்பாக இருக்கிறான். அதை பகுத்து பிரித்து ஆவியானவர் ஆராய்ந்து வைத்திருக்கிறார்.
ஆண்டவருக்கு நீங்க Delete பண்ற Browser history, Call history, whatsapp message எல்லாமே தெரியும். ஒரு நிமிஷத்தில் உங்க Smart Phoneஐ சுக்கு நூறாக்க, Corrupt பண்ண ஆண்டவருக்குத் தெரியும். அவருக்கு இந்த டெக்னாலஜி ஒரு தூசிக்கு கூட வராது. ஆனா பொதுவா அதை அவரு செய்ய மாட்டாரு. அவரு ரொம்ப Decent. சில நேரங்கள்ல கொஞ்சம் தூரத்துல நிப்பாரு, உங்க personal matterல தலையிட மாட்டாரு. நீங்க அவர் கிட்ட ஒப்புக்கொடுக்கும் வரை.
ஆனா அவர மாதிரி ஒரு நல்ல Friend உங்களுக்கு கிடைக்கவே மாட்டாரு. எத்தனையோ முறை உங்களை Hug பண்ணுவாரு, Kiss பண்ணுவாரு. நீங்க தப்பு பண்ணும்போது ரொம்ப வருத்தப்படுவாரு. அத விட நீங்க நல்லவங்க மாதிரி சர்ச்ல நடிக்கிறீங்கன்னா, கொஞ்சம் தூரமாவே இருந்துக்குவாரு.
ஆனா அவரு ரொம்ப நல்லவருங்க. அவரு நல்ல Friends தேடிக்கிட்டே இருப்பாரு. அவருக்கு Friendஆ இருக்குறவுங்க ரொம்ப கொடுத்து வச்சவுங்க. தானியேல், யோசேப்பு மாதிரி. தேசங்களோட அதிபர்கள் கூட உங்களை நம்பி இருக்குற மாதிரி பண்ணிருவாரு. அவர் கூடவே இருக்கனும், அது தான் ஒரே கண்டிஷன்.
கொஞ்சம் தனியா Time Spend பண்ணனும். பைபிள் எடுத்து அவர் கூட உட்காரனும். இயேசு கிறிஸ்துவுக்கு ரொம்ப பிடிச்சவுங்க, கூடவே இருந்த யோவான், பாதத்துல உக்காந்து பாடம் படிச்ச மரியாள். பரிசுத்த ஆவியானவரும் அதைத்தான் எதிர்பாக்குறாரு.
உங்க Friend யாரு, அது தான் இப்ப கேள்வி.. ஆவியானவர் உங்க நண்பன் அப்பிடினா நீங்க தான் ராஜா.. நண்பன் படத்துல விஜய் நண்பர்கள் வாழ்க்கையையே மாத்திருவாரு. ஆவியானவர் அதுக்கும் மேலான நண்பன். ராஜா, பிரதமர், ஜனாதிபதி, பார்லிமென்ட்ல மெஜாரிட்டில பாஸ் பண்ண மசோதா எல்லாத்துக்கும் மேலான ராஜரீக அபிஷேகம் உங்க மேல இருக்கும்.
கொஞ்சம் சினிமா கலந்தது உங்களுக்கு புரியத்தான். நண்பனை விட்றாதீங்க.. தேடியாச்சும் புடிச்சு ஒரு Good Morning, Good Afternoon, Good Night எல்லாம் சொல்லி கரெக்ட் பண்ணி வச்சுக்கோங்க.
Holy Spirit is Online!
No comments:
Post a Comment